Një truk i ri në TikTok i cili u bë viral në mesin e pasagjerëve të shumtë po konsiderohet jashtëzakonisht i rrezikshëm nga ekspertët e fluturimit.
Bëhet fjalë për pasagjerët e aeroplanit të cilët në vend se të lidhnin rripin e sigurimit rreth belit, po i vendosin ato tek këmbët për t’u çlodhur, shkruan Thrillist.
Veprime të tilla të pasagjerëve kanë bërë hov në TikTok, duke publikuar video të tyre në këtë platformë, madje duke falënderuar të tjerët për këtë zgjidhje.
Megjithatë, kjo metodë po cilësohet mjaft e rrezikshme nga ekspertët e fluturimit.
Michael Wallace, një ekspert i fluturimeve tha se pasagjerët duhet të vendosin rripin e sigurimit përgjatë belit në rast të ndonjë turbulence të papritur.
“Nëse lidhni kyçet e këmbës, do ta vendosni veten në një situatë kërcënuese për jetën, pasi do t’ju duhej kohë për ta hequr nga aty dhe për ta vendosur siç duhet”, deklaroi Wallace.
Sipas Wallace, nëse rripi i juaj i sigurimit është i lidhur rreth kyçeve të këmbës, kjo mund të rezultojë në lëndime të rënda në disa situata.
“Nëse aeroplani përballet me turbulenca, kjo ju bën të përkuleni me një ritëm të rritur, dhe mund të përplaseni me sediljen përpara jush. Edhe një goditje e lehtë në kokë në gjunjë mund të shkaktojë një tronditje”, shtoi ai.
Një faktor tjetër për t’u marrë parasysh është se, edhe nëse nuk ka turbulenca, shëndeti juaj mund të rrezikohet edhe në nivel kardiovaskular.
Best flight hack ever! #flighthack #flightcomfort #holiday #holidayhacks ♬ Never Lose Me – Flo Milli
“Të kesh rripin e sigurimit të shtrënguar fort tek kyçet e këmbëve mund të çojë në qarkullim të dobët”, vuri në dukje Wallace. “Pasagjerët mund të zhvillojnë simptoma të vogla si shqetësim ose mpirje. Në raste më ekstreme, ju mund të zhvilloni mpiksje gjaku”.
Megjithatë, Wallace nuk është i vetmi që jep paralajmërimin për pasagjerët lidhur me këtë metodë të bërë virale në TikTok.
Një grua e cila thotë se punon si stjuardesë u bëri thirrje pasagjerëve të mos e bëjnë një veprim të tillë. /Telegrafi/
