Kur themi që kjo supë përgatitet brenda 5 minutave nuk e teprojmë aspak. Madje këtë supë nuk e bën të mirë vetëm prakticiteti, por edhe vlerat ushqyese që ka për organizmin.
Përbërësit:
1 avokado (pak të butë)
2 gota kos
1 kastravec të qëruar
½ lëng limoni
2 gjethe mente
1 lugë kafe kripë
Përgatitja:
Në një tas të madh kombinoni kosin, avokadon e prerë në copa të vogla dhe kastravecin. I shtypni mirë me ndihmën e një rrahësi elektrik. Nuk duhet shtuar ujë.
Tani shtoni menten, lëngun e limonit dhe kripën. I trazoni përsëri.
E shërbeni në pjatë dhe shijojeni! Mund ta shoqëroni me një sallatë me karota, marinuar me hudhra, kripë, vaj ulliri dhe limon.
